西遊大神篇

現在再睇真D...
馬嬲的手比例有問題...其中一隻手短了.
豬仔樣子不夠趣怪,沒有了原著豬仔那種趣怪的感覺.
和尚不錯.武器細節多一些更好.
沙僧持武器的手真的太怪,同時動作有點樣在苛屎...
騎馬大哥真的不行.馬比例不對,人物造型與細節都嚴重不足.
以上是小弟個意見,KINGTOY兄可將圖發去各大玩兵人或戰棋的模型網站問問高手們的意見更好.

支持原創!!!仲要一次過整幾隻,一定要讚好!!我覺得人物設定不錯,感覺有點偏向日本漫畫風格,模型上既細節亦都好豐富,可見花左唔少時間同心機,不過比例有點問題,如悟空既手過短,八戒下盤過小,如果有草稿的話可對住來做,咁樣會容易d掌握比例,另外衣服的摺痕可以加強一點,好似悟空既襠布有點單調,趙雲亦都係同一個問題,唐僧我覺得做得唔錯,KINGTOY兄加油!期待你更多自制模型!

悟空---悟空左手手短可能係影相的角度問題~佢隻手係咪向後提起左???同埋我覺得佢個造型唔理想~佢拎金剛捧既姿勢唔夠"型"~佢而家呢個姿勢有d似沙憎做"挑夫"既姿勢咁!!! 唔夠霸氣!!
八戒---其實整體黎講都ok~有d"妖"既感覺~不過隻左手有少少唔自然~唔知佢想做咩!!!
沙僧---個人覺得造型最特別~有新鮮感~三個徒弟中我最鐘呢個!!!
唐僧---造型好ok~有"師父"既感覺~唯面相我覺得唔係咁鐘意~有d肥!!!

特別版---先講造型~我個人真係唔係咁喜歡~因為呢個型態真係太"濫"~已經有d悶~就算轉左騎獨角獸都係唔掂!!! 同埋趙雲同西遊記match唔到~就算係奇幻系列都應該要有d關係,或者劇情需要先用趙雲~所以我建議gordon用第二個角色黎做特別版,我既建議係考慮用"龍馬"做特別版~因為佢係西遊記裏面雖然曝光率唔高~但係佢身世同特別~其實可以有好大既幻想空間黎創造佢既新造型~如果用"龍馬"黎做特別版~我覺得可以收到"情理之內(角色),意料之外(造型)"既效果!

因為特版真係好重要~以惡魔棋/惡魔紀事為例~佢出左十套~抄得最貴既主要係特版別靚果幾套,其中第7,8兩代因為特別版太"不堪"~俾fans勁踩~攪到好多fans開始離棄呢個系列~所以特別版係要花多d心思去攪攪佢!!!

補充資料:
白龍馬，西海龍王敖閏的第三太子，姓敖（龍族王室之姓），小說里並未出現其名，亦未被授予法名，書中又稱為意馬。因縱火燒了龍宮殿上的明珠，犯下大罪被處死罪，後被觀世音菩薩救下，命其在蛇盤山等待唐僧西天取經，後誤食唐僧坐騎白馬。在書中暗指水屬性。被唐僧收服後，鋸角退鱗，幻化為其跨下白馬代替原先坐騎去西天取經。後功德圓滿，加升大職正果，被賜封為八部天龍馬全稱為八部天龍廣力菩薩。沒有專用武器，初次出場是不持武器以龍形和孫悟空戰鬥，後來與奎木狼戰鬥是騙得奎木狼寶刀，再持刀作戰。

還有一點~就係如果想人買呢套野~除左基本角色吸引唔吸引到人去買之外~仲有人係會為左特別版而去買!!!~哈哈!

Kingtoy 寫到:好多謝幾位的意見！！

這套模型的設計我其實花了將近一年的時間。

孫悟空的造型其實他的手的確是照相的角度問題，因為它的左手其實是稍微向後擺的，所以從這張相片上看好像短了，其實實物是沒有這個問題的。這個姿勢的設定其實是想讓鬥戰勝佛有一個較有霸氣的動作，其動作參考來自三國無雙的呂布的造型。

八戒的左手的姿勢設定應該為發氣功攻擊的狀態。

至於特別版的造型我也非常同意各位的意見！Andrew兄的提議非常好！

加油哦!!!

Kingtoy想自己出模型?!我都有興趣喎

Kingtoy 寫到:

mr.five 寫到:Kingtoy想自己出模型?!我都有興趣喎

五仔都有興趣的意思是？？

我想參與製作模型

非常精彩 希望有一天可以買到kingtoy兄設計的模型
亂說兩句
趙雲可以騎獨角獸
但是沒有馬鐙 馬鞍 似乎有點

人的動作與馬的動作不太對勁 從運動上看 好像沒平衡的樣子 再加上沒有鞍具 感覺趙雲快滑下馬背

胡亂說說 別介意

這個我有考慮過，不過考慮到獨角獸是西方的一種聖潔的神獸，應該是不會接受策騎者為它裝上馬鞍的。我原來的設定是趙雲無意中在森林殺死了邪惡的紅火龍並救了一隻獨角獸，從此獨角獸便與趙雲結成了很好的朋友。另外，趙雲用紅火龍的角和血製成一把火龍槍（即趙雲的武器），獨角獸為了報答趙雲的救命之恩，用自己的角和魔法為火龍槍施放魔法，加強火龍槍的力量。所以趙雲和獨角獸之間應該是朋友關係，所以趙雲騎在獨角獸身上是無需馬鞍的，他們有著朋友間的默契，策騎者不會從馬背上摔下來。

以上是我設計這款模型造型的設定。不過我對趙雲的造型還很不滿意，應該會再作修改的。各位期待一下吧！哈哈！



真的很感謝各位的意見和支持！